Plantun de Prouvènço

Pèr coumpara dos planto d'encò nostre

Helianthemum syriacum & Grimmia orbicularis

Helianthemum syriacum

Cistaceae

Noms en français : Hélianthème à feuilles de lavande, Hélianthème de Syrie.

Descripcioun :
La massugueto-de-Sirìo es un pichot aubret que trachis dins li garrigo à roumanin proche de mar, sus marlo, argielo o cauquié douloumitique. Li ramo soun argentado e se roumpon eisa. Li fueio, pelouso, soun proun envertouiado sus lou dessouto e longo de 2,5 à 4 cm. Fai de poulido e pulèu gròssi flour jauno amé de petalo pu longo que li sepalo. Se vèi soulamen en basso Prouvènço, coume à l'entour de Marsiho.

Usanço :
Li massugueto èron acampado en Espagno pèr la farmacìo tradiciounalo e soun couneigudo pèr lucha contro li microbe (poulifenòu).

Port : Aubret
Taio : 15 à 50 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Helianthemum
Famiho : Cistaceae

Ordre : Malvales

Coulour de la flour : Jauno
Petalo : 5
Ø (o loungour) flour : 1,5 à 2 cm
Flourido : Printèms - Estiéu

Sòu : Ca
Autour basso e auto : 0 à 100 m
Aparado : Noun
Mai à juilet

Liò : Garrigo
Estànci : Termoumediterran à Mesoumediterran
Couroulougi : Éurimediterranenco
Ref. sc. : Helianthemum syriacum (Jacq.) Dum.Cours., 1802 (= Helianthemum lavandulaefolium DC. )

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.